Aallarnisaasunut sakkussat
Aallarnisaasutut piareersarnermi pingaaruteqarpoq piareersarluarsimanissaq. Arctic Circle Businessimiillu pisariaqartitatit malillugit piareersarnissannik siunnersorsinnaavatsigit. Suliffeqarfik aallartinniakkat apeqqutaalluni suunersoq, inuillu ataasiakkaatut piareersarneq assigiinngissinnaasarpoq. Taamaattumik oqinnerusumik pilersaarusiornissannut suliffeqarfiullu takorluukkavit piviusunngortinnissaanut aqqutissiuussinnaavatsigit.
Pilersaarusiaq
Suliffeqarfik pilersinniakkat allaaserilluarnissaa pingaaruteqarpoq, taamaattumik suliffeqarfiup pilersaarusiornissaa sakkussatsialaavoq.
Qanoq ittoq suliffeqarfik aallartinniarpiuk?
Pilersaarusiorneq, missingersuineq annertusinnaasarpoq, taamaattumik forretningsplan sakkussaq uani aasinnaavat.
Ingerlatsinermik missingersuut
Suliffeqarfik ingerlalluassappat piviusorsiorpalussappallu pingaaruteqarpoq ingerlatsinermi aningaasaqarneq missiliorluarlugu misissorneqassasoq. Ukiumut kaaviiartitassatit naammappat?
Suliffeqarfik aallartinniakkappit aningaasartuutai suuppat? Suliffeqarfiup nammalluarsinnaavai?
Taamaattumik missingersuisinnaaneq pingaaruteqarpoq, uanilu sakkussat aaneqarsinnaavoq.
Pilersitsinermik missingersuut
Sulffeqarfimmik aallartitsinnginnermi pingaaruteqarpoq pilersitsinissamut aningaasartuutit eqqummaariffiginissai, imminut suliffeqarfimmulluunniit artorsittuussanngikkuit.
Suliffeqarfillu aallartinniakkappit suunera apeqqutaalluinnarluni pilersitsinermi aningaasartuutit assigiinngissinnaasarput. Taamaattumik ilinnut suliffeqarfittut pilersinniakkappit missingersuusiornissannut sakkussaq uani aasinnaavat.
Akiliisinnaassuseqarnermut missingersuut
Likviditets budget tassaavoq ataatsimut isigalugu suliffeqarfiup aningaasat isertitassai aammalu aningaasartuutitut naatsorsuutigisai. Qaammammut aammalu ukioq kaajallallugu missingersuusiorneq naatsorsorneqarsinnaavoq.
Taamaasillutit piviusorsiorpalaartumik suliffeqarfiup kaaviiaartitassai qanoq annertutigipajaarsinnaanersut katillugit naatsorsorluarsinnaalissavatit.
Uani likviditetsbudgetimut sakkussaq aasinnaavat.
Qanimut siunnersorneqarnissat pisariaqartippiuk?
Tunuarsimaarnak attavigisinnaavatsigut: acb@acb.gl
