Arctic Circle Businessip ukiumoortumik ataatsimeersuarnerani 28. maj 2026 ingerlanneqartumi siulersuisut nutarterneqarput. Agathe Fontain siulittaasutut ingerlaqqippoq, Palli Fleischer-Lyberth-ilu siulittaasup tulliatut nutaatut toqqarneqarluni.
Ulloriaq Kreutzmann qinigaaqqippoq, aammalu ilaasortat marluk nutaat siulersuisunut ilanngupput tassa Palli Fleischer Lyberth, Sisimiut Fresh Farm-ip piginnittua aamma Vivi Schultz, Arctic Shop-ip Kangerlussuarmi piginnittua
Tamatuma saniatigut Linda Madsen suppleantitut ingerlaqqippoq, Maniitsumeersullu suppleantip aappaa Maliina Lyberth-imik taarserneqarluni.
Siulittaasoq Agathe Fontain siulersuisut nutaat pillugit nuannaarluni oqarpoq: “Nuannaarutigalugu eqqaarusuppara kinguaariit nutaat bestyrelsemi siuttuunissaq piukkunnarsarfigissagaat. Minikkusunngilara qujaffigalugu Henrik Sachse siulittaasut tulliatut ukiorpaalunni ingerlasimasoq, aammalu bestyrelsiusimasut Sofie Frydenregn Johansen, Jonas Nielsen og Magnus Elleby, qujassuteqarfigerusuppakka suleqatigiissimanerput pillugu.”
Siulersuisut nutaat Qeqqata Kommuniani inuussutissarsiornermi assigiinngitsorpassuarnik sinniisuupput, aammalu nunap immikkoortuani inuussutissarsiornermik ineriartortitsinissamut suleqataajumallutik ingerlaqqipput.
Arctic Circle Business-ip siulersuisui 2026–2027 tassaalerput:
Siulittaasoq: Agathe Fontain, WestGreenland Wildlife
Siulittaasup tullia: Palli Fleischer Lyberth, Sisimiut Fresh Farm
Siulersuisut ilaasortaat:
Najannguaq D. Lennert, GrønlandsBANKEN
Henrik Sachse, Arctic Star
Vivi Schultz, Arctic Shop
Ulloriaq Kreutzmann, Milak Productions / Tupilak Constructions
Sinniisussat: Maliina Lyberth, Psykolog aamma Linda Madsen, Polar Entreprise A/S
